Երաժշտախմբեր

11_lJAlH.jpg

ԿՈՄԻՏԱՍԻ ԱՆՎԱՆ ՔԱՌՅԱԿ

Կոմիտասի անվան քառյակն ստեղծվել է 1924թ. նոյեմբերին Մոսկվայի կոնսերվատորիայի    ուսանողներ   Ավետ   Գաբրիելյանի,    Լևոն  Օհանջանյանի, Միքայել  Տերյանի  և  Սարգիս  Ասլամազյանի  նախաձեռնությամբ:  

1925թ. հունվարի առաջին օրերին սկսել է իր կանոնավոր  փորձերն   ու   պարապմունքները`   պրոֆեսոր   Ե.Մ.  Գուզիկովի    ղեկավարությամբ:    Վերջինս  կազմել է  նորաստեղծ   անսամբլի  կատարողական    ծրագիրը`    նախատեսված    հունվարից  մինչև   ուսումնական    տարեվերջ:    Առաջին ստեղծագործությունը,    որի վրա պետք է աշխատել են    երիտասարդ    երաժիշտները,   Բեթհովենի     N   1   կվարտետն   էր, որի կատարման  նախապատրաստումը տևել է շուրջ  երկու  ամիս:                   Առաջին ելույթը տեղի է ունեցել 1925  թ.  մարտի 1-ին:

1925-1931թթ. քառյակը համերգներով հանդես է եկել ԽՍՀՄ բազմաթիվ քաղաքներում և Հայաստանում, իսկ 1931-ն արժանացել  է  Հայկական   ՍՍՀ    պետական    կվարտետի   կոչման:

1932թ. մայիսին  Հայկական ԽՍՀ կառավարությունը   քառյակին  շնորհել  է    Կոմիտասի   անունը՝ դեռևս մեծ երգահանի կենդանության օրոք:     

1936թ. անսամբլը հաղթել է ԽՍՀՄ կոմպոզիտորների միության մրցույթում, իսկ 1938 թ. լարային քառյակների համամիութենական մրցույթում բաժանել առաջին մրցանակը:

1938թ. անսամբլի երաժիշտներն արժանացել են Հայկական ԽՍՀ վաստակավոր, իսկ 1945-ին՝ ժողովրդական արտիստների կոչումների:

Քառյակի հետ ելույթներ են ունեցել հռչակավոր   կատարողներ   Ս. Ռիխտերը,   Մ. Ռոստրոպովիչը,   Է. Գիլելսը  և  ուրիշներ:   

Կոմիտասի անվան քառյակն   առաջինն   էր     խորհրդային  երաժշտախմբերից, որ հետպատերազմյան շրջանում՝ 1953-ին,  մեկնել է արտասահմանյան   հյուրախաղերի:    

Քառյակն իր արվեստով    նվաճել է   ԱՄՆ-ը, Կանադան,   Ճապոնիան,  Ավստրիան,  Անգլիան,  Նորվեգիան,  Գերմանիան, Չեխոսլովակիան  և  այլ  երկրներ:

 52 տարի անընդմեջ   քառյակի առաջին ջութակահարն ու գեղարվեստական ղեկավարն է եղել ականավոր երաժիշտ Ավետ Գաբրիելյանը: 44 տարի  քառյակին է նվիրվել տաղանդաշատ         թավջութակահար և կոմպոզիտոր    Սարգիս Ասլամազյանը:   

1970-ին  Ա. Գաբրիելյանը   քառյակ է հրավիրել   Մոսկվայի  կոնսերվատորիայի   ուսանող, միջազգային    մրցույթների դափնեկիր   Էդուարդ Թադևոսյանին,    որը   Մաեստրոյի  կողքին    վեց   տարի  ելույթներ է ունեցել   որպես 2-րդ ջութակահար: Իսկ 1976-ին Ա.Գաբրիելյանը Գվարներիի     իր  ջութակը  և   1-ին ջութակահարի տեղը հանձնել է Է. Թադևոսյանին, ով առայսօր հանդիսանում է Կոմիտասի անվան քառյակի գեղարվեստական ղեկավարը:

 


Поделиться
Класс
Տեգեր