Երգեհոն

Երգեհոն

Հայաստանի  բազմաժանր երաժշտական կյանքում իր ուրույն տեղն ու լսարանն ունի երգեհոնային երաժշտությունը: Դրա վկայությունն են հանրահայտ հայազգի երգեհոնահարներն ու բազմաթիվ երգեհոնների առկայությունը Երևանում, Էջմիածնում, Չարենցավանում, Կապանում  և Գյումրիում: Հայաստանն ունեցել է և ունի երգեհոնային արվեստի լավ դպրոց, որի հիմնադիրը և լավագույն ներկայացուցիչը Վահագն Ստամբոլցյանն է: 

Կոմիտասի անվան կամերային երաժշտության տան հոլանդական «Ֆլենտրոպ» երգեհոնը տեղադրվել է 1979 թվականին և եզակի է իր տեսակի մեջ նախկին ԽՍՀՄ տարածքում: Այն ստեղծված է 17-18 դարերի երգեհոնների օրինակների հիման վրա ու նախատեսված է հիմնականում բարոկ երաժշտություն կատարելու համար: Առաջին     համերգին   ելույթ  է ունեցել   ՀՀ  ժողովրդական արտիստ Վահագն Ստամբոլցյանը: 

Դահլիճում հնչում են ինչպես դասական, այնպես էլ հայ հեղինակների երգեհոնային ստեղծագործություններ և հայկական երաժշտական գոհարների երգեհոնային մշակումներ: Անցկացվում են երգեհոնային փառատոներ:  

Հայաստանցի երգեհոնահարները մեծ հաջողությամբ ելույթներ են ունենում արտերկրում, մասնակցում միջազգային փառատոնների և մրցույթների: Իսկ Վահագն Ստամբոլցյանը միջազգային մրցույթների ժյուրիի սպասված անդամ էր:   

Հայաստանում մշտական համերգներով հանդես են եկել Ռուսաստանի,  Բալթյան երկրների, Ֆինլանդիայի, Կանադայի, Ֆրանսիայի, ԱՄՆ-ի և այլ երկրների երգեհոնահարները: Քչերը գիտեն, որ Հայաստանում հանդես է եկել նաև ֆրանսիացի հայտնի կոմպոզիտոր և երգեհոնահար Մորիս Դյուրուֆլեն:  

 

Hoofdwerk Borstwerk Pedaal
 
Prestant 8'     Holpijp 8'     Subbas 16'  
Bourdon 8'   Roerfluit 4'   Prestant 8'  
Octaaf 4'   Nasard 3'   Trompet 8'  
Fluit 4'   Gemshoorn 2'    
Quint 3'   Terts 1 3/5'  
Octaaf 2'   Flageolet 1'  
Sesquialter II   Kromhoorn 8'  
Mixtuur IV    
 
Koppels    
 
Hoofdwerk - Borstwerk   Tremulant   Manuaalomvang C - f'''
Pedaal - Hoofdwerk   Pedaalomvang C - f'
Pedaal - Borstwerk

 


Поделиться
Класс