«Կոմիտաս. խմբերգեր»
Կոմիտասի անվան կամերային երաժշտության տանը նոյեմբերի 13-ին հնչել է Կոմիտաս Վարդապետի անմահ երաժշտությունը․ Հայաստանի պետական կամերային երգչախումբը հանդիսատեսին է ներկայացրել «Կոմիտաս. խմբերգեր» խորագրով համերգը։
Համերգի մեկնարկին ներածական խոսքով հանդես է եկել արվեստագիտության դոկտոր, պրոֆեսոր Մհեր Նավոյանը, ով ընդգծել է Կոմիտաս Վարդապետի երաժշտության անժամանցելի արժեքը և նրա մեծ դերը ազգային ինքնության ձևավորման գործում։
Համերգի ընթացքում հնչել են Կոմիտասի հոգևոր և աշխարհիկ խմբերգեր՝ ընդգրկելով «Հրաշափառ Աստված», «Սուրբ, Սուրբ», «Ով զարմանալի», «Հայր Մեր», «Հավուն Հավուն», «Լուսնակը սարի տակին», «Քելեր ցոլեր», «Գարուն», «Ախ մարալ ջան» և այլ հայտնի ստեղծագործություններ։
Համերգը ղեկավարել է երգչախմբի գեղարվեստական ղեկավար և գլխավոր դիրիժոր, ՀՀ արվեստի վաստակավոր գործիչ, ՀՀ ժողովրդական արտիստ Ռոբերտ Մլքեյանը։
Համերգն իրականացվել է Հայաստանի պետական կամերային երգչախմբի կազմավորման 25-ամյակի շրջանակում։