Կամերային երաժշտության ազգային կենտրոն

Կամերային երաժշտության ազգային կենտրոն

Կամերային երաժշտության ազգային կենտրոնը (ԿԵԱԿ) հիմնադրվել է ՀՀ կառավարության 2010 թվականի օգոստոսի 5-ի N 1055-Ն որոշմամբ՝ միավորելով «Կոմիտասի անվան կամերային երաժշտության տունը», «Հայաստանի պետական կամերային նվագախումբը» և «Հայաստանի հնագույն երաժշտության «Տաղարան» համույթը»։

Այսօր ԿԵԱԿ-ը հանդիսանում է Հայաստանի կամերային երաժշտական արվեստի կարևորագույն կառույցներից մեկը՝ միավորելով հայկական կամերային ժանրի առաջատար ստեղծագործական երաժշտախմբերը և շարունակելով դրանց ստեղծագործական ու մշակութային ժառանգությունը։

Կենտրոնի գործունեությունն ուղղված է՝

• -հայկական կամերային երաժշտական ավանդույթների պահպանմանն ու զարգացմանը, 
• -հայկական երաժշտարվեստի միջազգային ներկայացմանը, 
• -ժամանակակից ստեղծագործական գործընթացների խթանմանը, 
• -հայ կոմպոզիտորների և կատարողների հանրահռչակմանը։ 

ԿԵԱԿ-ը շահույթ չհետապնդող ոչ առևտրային կազմակերպություն է, որն իրականացնում է գործունեություն երաժշտական և կատարողական արվեստի ոլորտում՝ իրականացնելով պետական մշակութային ծրագրեր և համերգային լայնածավալ գործունեություն։

ԿԵԱԿ-ի մասնաճյուղերը

• -Հայաստանի պետական կամերային նվագախումբ

Գեղարվեստական ղեկավար և գլխավոր դիրիժոր՝ Վահագն Պապյան

• -Հայաստանի պետական կամերային երգչախումբ

Գեղարվեստական ղեկավար և դիրիժոր՝ Ռոբերտ Մլքեյան

• -Հնագույն երաժշտության «Տաղարան»  համույթ

Գեղարվեստական ղեկավար և դիրիժոր՝ Սեդրակ Երկանյան

• -«Հովեր» պետական կամերային երգչախումբ

Գեղարվեստական ղեկավար և խմբավար՝ Սոնա Հովհաննիսյան

• -Երևանի պետական կամերային երգչախումբ

Գեղարվեստական ղեկավար և խմբավար՝ Քրիստինա Ոսկանյան

• -Կոմիտասի անվան ազգային քառյակ

Գեղարվեստական ղեկավար՝ Էդուարդ Թադևոսյան