Երաժշտախմբեր

363274362082932001780377982838201230032896o_znNmE.jpg

«ՀՈՎԵՐ» ՊԵՏԱԿԱՆ ԿԱՄԵՐԱՅԻՆ ԵՐԳՉԱԽՈՒՄԲ

«Հովեր» պետական կամերային երգչախումբը բաց է խմբերգային բոլոր ժանրերի համար:

Երգչախումբը հանդես է եկել «Թիատրո Դալ Վերմե» (Իտալիա), «Թիեթրը Նանթրե Ամենդիրս», «Սիտե դե լա մյուզիք», «Լը Քուաղց» (Ֆրանսիա), «Սթրաթմոր», «Քարնեգի Հոլլ» (ԱՄՆ), «Լինքոլն Սենթըր» («Ալիս Թուլի Հոլլ») (ԱՄՆ), Թայբեյի ազգային (Թայվան), «Էրմիտաժ» թատերական (Ռուսաստան) և այլ հեղինակավոր դահլիճներում:

«Հովեր» պետական կամերային երգչախումբը նախաձեռնել է մի շարք խմբերգային ներկայացումներ, մասնակցել բազմաթիվ մեծակտավ վոկալ-սիմֆոնիկ, օպերային նախագծերի: Երգչախմբի փորձարարական նախագծերից են Կոմիտասյան պարերգերի բեմադրությունները, «6 առակ», «Զուգահեռ» խմբերգային ներկայացումները:

Երգչախումբը մասնակցել է «Անուշ» օպերայի ադապտացիային, Վահագն Հայրապետյան տրիոյի հետ համատեղ «Ապարանյան երգերի ոչ ավանդական մշակումներ» և ամենամյա արցախյան և մարզային նախագծերին: Մշտապես համագործակցում է ՀԱՖՆ-ի, ԵԿՊՆ-ի, ՀՊԵՆ-ի, «Երևանյան հեռանկարներ», «Ոսկե ծիրան», «Կոմիտասյան», «Ա. Խաչատրյան», փառատոնների, ինչպես նաև հայաստանյան բոլոր նվագախմբերի և երգչախմբերի հետ: ՀԱՖՆ-ի և Էդուարդ Թոփչյանի հետ համատեղ իրականացրել է տասնյակ օպերաներԵվգենի Օնեգին», «Տոսկա», «Գեղջկական պատիվ», «Սևիլյան սափրիչ», «Մադամ Բատերֆլայ», «Պայացներ», «Բոհեմ», «Արծվաբերդ», «Թիկնոցը» և այլն):

Երգչախումբը մասնակցել է մի շարք գեղ. ֆիլմերի երաժշտական աշխատանքներին, այդ թվում` «Արարատ» (ռեժ.՝ Ա. Եգոյան), «Արտույտների ագարակը» (ռեժ.՝ Տավիանի եղբայրներ), «Նամուս» («Արտե» ստուդիայի վերականգնված տարբերակ), «Թևանիկ» (ռեժ.` Ջ. Ավետիսյան), «Խոստումը» (ռեժ.՝ Թերրի Ձորջ), ինչպես նաև «Պեպո» ներկայացման երաժշտական ձևավորման աշխատանքին (երաժշտ.՝ Վ. Շարաֆյան):

Ունի 7 ձայնասկավառակ:

Երգչախումբը համերգներով հանդես է եկել Իտալիայում, Ֆրանսիայում, Մեծ Բրիտանիայում, Գերմանիայում, Ավստրիայում, Ռուսաստանում, Լեհաստանում, Թայվանում, Բելգիայում, Էստոնիայում, Լիտվայում, ԱՄՆ-ում, Լիբանանում, Շվեյցարիայում, Սլովենիայում: Մասնակցել է մի շարք միջազգային երգչախմբային մրցույթ-փառատոնների` առաջին խմբերգային օլիմպիադային (Լինց, Ավստրիա), «Գաուդա Մատեր», «Լոգոս», «Լյուդվիգ վան Բեթհովենի» (Լեհաստան), «Ֆեստիվալ Վալ Լանդերեն» (Բելգիա) և «Միդեմ» (Ֆրանսիա), Վալերի Գերգիևի Զատկի, «Պրոսվետիտել», «Հոգևոր երաժշտության Հարավուրալյան» (Ռուսաստան), «Պոլիֆոլիա» (Ֆրանսիա), «Լա ֆաբրիկա դել կանտո», «Սյուդտիրոլ», «Լես Սակրես Ջուռնի» (Իտալիա), «Մուստոնեն ֆեստ» (Էստոնիա), «Սայրն Վալե» միջազգային (Շվեյցարիա), «Էմիլիա Ռոմանիա» (Սլովենիա), «Բեյթեդին Արվեստի փառատոն» (Լիբանան) և «Ռեին վոկալ» (Գերմանիա) պրոֆեսիոնալ միջազգային երաժշտական փառատոններ: Երգչախումբը մասնակցել է Ֆրանկոֆոնիայի գագաթնաժողովի Գալա համերգին (Հայաստան):

Ս. Գուբայդուլինայի, Ռ. Շչեդրինի, Ք. Պենդերեցկու, Գ. Կանչելիի և մի շարք այլ մեծանուն ժամանակակից կոմպոզիտորների ստեղծագործությունների «Հովեր»-ի կատարումներն արժանացել են բարձր գնահատանքի: «Հովեր» պետական կամերային երգչախումբը հանդես է եկել մի շարք մեծանուն երաժիշտների և կոմպոզիտորների հետ (Գ. Կրեմեր, Ա. Մուստոնեն, Ռ. Շերվինիկաս, Դ. Գերինգաս, Ջ, Նելսոն, Մ. ԿլաուզաԲ. Կուտավիչյուս, Լ. Շամբադալ, Ֆ. Հելգաթ, Ա. Բոչելլի, Տ. Գուրտու):

2020 թվականին երգչախումբը պետական դրամաշնորհով իրականացրել է երկու ծրագիր՝ «Սերնդեսերունդ» խորագիր կրող նախագիծը, որի արդյունքում ստեղծվել են 5 ֆիլմ՝ հիմքում կոմիտասյան 4 խմբերգ եւ մեկ վոկալիզ (կոմպոզիտոր՝ Արմեն Բոյամյան) եւ «Պարզ ու հասարակ բաներ» (երաժշտական ներկայացում դաշնամուրի եւ երգչախմբի համարլայնամասշտաբ ծրագիրը, որի աշխատանքները շարունակվում են (կոմպոզիտոր՝ Վ Շարաֆյան, խմբավար՝ ՍՀովհաննիսյան, մենակատար՝ ԱԲաբախանյան, ռեժիսոր՝ ՆՄալյան, ծրագրի ղեկավար՝ ԱՔոչարյան)։

2020թ․-ին «Հովերը» մասնակցել է մի շարք առցանց համերգների, այդ թվում՝ Լոնդոնի հայկական հիմնարկի համերգ-դրամահավաքին։

«Հովեր» կամերային երգչախումբը պարգևատրվել է ՀՀ մշակույթի նախարարության Ոսկե մեդալով: 2017թ.-ին «Հովեր» երգչախումբը տոնեց իր հոբելյանական 25-ամյակը։

Երգչախումբը հիմնադրել և ղեկավարում է Երևանի պետական կոնսերվատորիայի պրոֆեսոր, 2018թ.-ից ԵՊԿ ռեկտոր, ՀՀ արվեստի վաստակավոր գործիչ` Սոնա Հովհաննիսյանը:

 

ՍՈՆԱ  ՀՈՎՀԱՆՆԻՍՅԱՆ

հիմնադիր և խմբավար

Ծնվել է 1963 թվականին, Երևանում:

Սովորել է Սայաթ-Նովայի անվան երաժշտական դպրոցում։ Երաժշտական կրթությունը շարունակել է Ռոմանոս Մելիքյանի անվան երաժշտական ուսումնարանի և Երևանի Կոմիտասի անվան պետական կոնսերվատորիայի խմբավարական մասնագիտացման ուղղվածությամբ: Ուսանողական տարիներին աշխատել է 119 հանրակրթական դպրոցում, Էսթետիկական կենտրոնում, ղեկավարել «Հայրեն», «Ալելուիա» երգչախմբերը:

Կոնսերվատորիայում մասնագիտական դասարան է վարել 1996 թ-ից։ 2018թ-ից Երևանի Կոմիտասի անվան պետական կոնսերվատորիայի ռեկտորն է։

1992թ. -ից իր նախաձեռնությամբ և ջանքերով ստեղծել է «Հովեր» կամերային երգչախումբը, որը պետական կարգավիճակ է ստացել 2009 թվականին։

Սոնա Հովհաննիսյանի ղեկավարությամբ «Հովեր» երգչախումբը նախաձեռնել և իրականացրել է մի շարք փորձարարական խմբերգային ներկայացումներ, հայ խմբերգային երաժշտության պրեմիերաներ։ Երգչախումբը համերգային շրջագայություններով հանդես է եկել Իտալիայում, Ֆրանսիայում, Գերմանիայում, Անգլիայում,  Շվեյցարիայում, Նահանգներում, Բելգիայում, Թայվանում,  Լեհաստանում, Մերձբալթյան և մի շարք այլ երկրներում, մասնակցել է բազմաթիվ խմբերգային մրցույթների և փառատոնների, հանդես  եկել համաշխարհային  բեմահարթակներում՝ «Քարնեգի հոլ», «Սթրաթմոր», «Լինքոլն Սենթըր» («Ալիս Թուլի Հոլլ (ԱՄՆ)), «Սիտե դե լա մյուզիք», «Լը Քուաղց», «Թիեթրը Նանթրե Ամենդիրս» (Ֆրանսիա), Թայվանի ազգային համերգասրահ, «Թիատրո Դալ Վերմեր» (Իտալիա) և այլն։

Երգչախումբը համագործակցել է մեծանուն երաժիշտների հետ՝ ՍԳուբայդուլինա, ԳԿանչելի, ՔՊենդերեցկի, ԴԳերինգաս, ԱՄուստոնեն, ՌՇչեդրին, եղել է հայ անվանի կոմպոզիտորների ստեղծագործությունների առաջին կատարողը՝  ԷՄիրզոյան, ՎՇարաֆյան, ԵԵրկանյան, ԱԱվանեսով, ԱԱզիզյան, ԱՈսկանյան։

«Հովեր» երգչախմբի և վերջինիս խմբավար Սոնա Հովհաննիսյանի ստեղծագործական գործունեության առանցքը եղել և մնում է մեծն Կոմիտասի խմբերգային ժառանգությունը՝ իր հոգևոր և աշխարհիկ ողջ ծավալով՝ ներառյալ «Պատարագը»՝ գրված արական կազմի համար։

«Հովերը» մշտապես համագործակցել է հայաստանյան և արտասահմանյան մի շարք նվագախմբերի և երգչախմբերի հետ։  ՀՊՖՆ-ի հետ իրականացրել է տասնյակ օպերաներ, ձայնագրել է 6 ձայնասկավառակ, 2 տեսասկավառակ, թատերական ներկայացումների և ֆիլմերի համար գրված երաժշտություն։

2008թ.-ին Սոնա Հովհաննիսյանն արժանացել է մշակույթի նախարարության Ոսկե մեդալի, իսկ 2010թ.-ին՝Արվեստի վաստակավոր գործչի կոչման:

Սոնա Հովհաննիսյանի խոսքերով, «Հովերի» ստեղծման օրվանից ի վեր՝ իր և երգչախմբի կենսագրությունները նույնական են:

 

ԱՆՈՒՇ ՔՈՉԱՐՅԱՆ

մասնաճյուղի  ղեկավար

Անուշ Քոչարյանը մշակութային լրագրող է, պրոդյուսեր եւ արվեստի մենեջեր, միջազգային արտիստների հայաստանյան եւ արտասահմանյան ներկայացուցիչ-գործակալ, «Հետք» էլ պարբերականի հեղինակ-լրագրող, «Սաղսարա» մշակութային-հետազոտական նախագծի գլխավոր պրոդյուսերը,  «Լոֆթ» ինքնազարգացման կենտրոնի գլխավոր խորհրդատուն։  «ԱՐԻ» գրական գործակալության հեղինակներից է։

2020 թվականի մայիսից «Հովեր» պետական կամերային երգչախմբի գլխավոր մենեջերն է։

Կրթությունն ստացել է Երեւանի պետական համալսարանի Ժուռնալիստիկայի ֆակուլտետում (2006-2012)։ ԱՄՆ պետդեպարտամենտի կրթական եւ մշակութային ծրագրերի բյուրոյի միջազգային այցելուների բաժնի կողմից իրականացվող IVLP ծրագրի շրջանավարտ է (2012)։  Միջազգային եւ տեղական մի շարք ծրագրերի եւ նախագծերի իրականացնող է, ռազմավարական եւ մարկետինգային պլանի մշակող։

2012-ին դարձել է Eurodram (European network for drama in translation)-ի հաղթող, 2015-ին՝ Նյուրնբերգի


Поделиться
Класс