Նորություններ

Համերգ՝ նվիրված Զավեն Վարդանյանի 80-ամյակին

Հայաստանի պետական կամերային նվագախումբը նոյեմբերի 10-ին ներկայացրել է համերգ, որը նվիրված էր հայ նշանավոր դիրիժոր, ՀՀ արվեստի վաստակավոր գործիչ Զավեն Վարդանյանի 80-ամյակին։

Երեկոյի մեկնարկին երաժշտագետ Օլյա Նուրիջանյանը ներկայացրել է Զավեն Վարդանյանի ստեղծագործական ուղին, որից հետո ցուցադրվել է ֆիլմ՝ նվիրված անվանի դիրիժորին։

Համերգային ծրագիրը մեկնարկել է Յոհան Սեբաստիան Բախի «Կոնցերտ № 1 ռե մինոր, BWV 1052» ստեղծագործությամբ՝ հանրահայտ դաշնակահար Սվետլանա Նավասարդյանի մենակատարությամբ։

Երկրորդ բաժնում նվագախումբը կատարել է Ֆելիքս Մենդելսոնի «Սիմֆոնիա № 1 դո մինոր, Op. 11», «Սիմֆոնիա լարայինների համար № 2 ռե մաժոր», ինչպես նաև Կարլ Ֆիլիպ Էմանուել Բախի Սիմֆոնիա սոլ մաժոր, H. 657, Wq 182/1» ստեղծագործությունները։

Համերգը ղեկավարել է գերմանացի դիրիժոր Ֆիլիպ Ամելունգը, որը հայտնի է իր նուրբ արտահայտչականությամբ և Բախի երաժշտության խորաթափանց մեկնաբանություններով։