Ղեկավար կազմ

Ռոբերտ Մլքեյան

Գեղարվեստական ղեկավար և գլխավոր դիրիժոր

Ծնվել է 1961 երևանում։ 

ՀՀ արվեստի վաստակավոր գործիչ, Մովսես Խորենացի մեդալակիր, Հայրենիքին մատուցած ծառայությունների համար ՀՀ երկրորդ աստիճանի մեդալակիր,  Հանրապետության ժողովրդական արտիստ:

Սովորել է Սանկտ Պետերբուրգում, սիմֆոնիկ և երգչախմբային դիրիժորություն: Այնուհետև ուսումը շարունակել է  ասպիրանտուրայում՝ Էմին Խաչատրյանի  դասարանում, ինչպես նաև   եղել է նրա  ասիստենտ  ստաժորը:

84-86թթ․ ղեկավարել է Կոմիտասի անվան կոնսերվատորիայի կոմպոզիցիայի  եվ  երաժշտագիտական ամբիոնի  ուսանողների  երգչախումբը:

88-92թթ․ Կոնսերվատորիայի  երիտասարդական  երգչախումբ՝  հանրապետական մրցույթի «Gran-pri»  մրցանակ։

1992-2000թթ․ Գյումրիի  պետական սիմֆոնիկ նվագախմբի գեղարվեստական ղեկավար և գլխավորն դիրիժոր: Նույն  ժամանակահատվածում  նաև Գյումրիի  կամերային     երգչախմբի  գեղարվեստական  ղեկավար  եվ գլխավոր  դիրիժոր։

95թ․-ից Երեվանում՝ «Հայ  ֆոլկ»  վոկալ անսամբլ: Բացառիկ  հաջողություններ հանրապետությունում  և  բազմաթիվ  հյուրախաղեր: Հանովերում կայացած EXPO -2000 համաշխարհային ցուցահանդեսի հայաստանյան օրերի երաժշտական մասի գեղարվեստական ղեկավար, առաջին մրցանակ։

2000թ․–ից Հայաստանի  պետական կամերային  երգչախմբի գեղարվեստական  ղեկավար  և  գլխավոր  դիրիժոր:

ARS POETICA  ձայներիզի թողարկում  աշխարհահռչակ  ECM  ձայնագրման  ստուդիայի  կողմից,  ձայներիզի  ամբողջական  ինֆորմացիան  անգլիական  «THE  GRAMOPHONE»  երաժշտական պատվավոր կատալոգի  էջերում:

Հյուրախաղերով  ելույթներ  է  ունեցել Լոնդոնում,  Փարիզում,  Լիոնում,  Մարսելում,  Ժնեվում, Բրյուսելում, Հալեպում,  Դամասկոսում,  Լաթակիայում, Թբիլիսիում, Գորիում,  Մոսկվայում, Սանկտ-Պետերբուրգում,  Հանովերում,  Ֆրանկֆուրտում, Ստրասբուրգում,  Լոս Անջելեսում, Ֆրեզնոյում, Սան-Ֆրանցիսկոյում, Բերգամոյում, Տորոնտոյում, Օտտավայում, Նիագարայում, Դրեզդենում՝ ֆիլհարմոնիկ  նվագախմբի հետ համատեղ (Ֆրաուկիրխե տաճարում)։

2015թ․-ին Մեքսիկայում, տեղի ազգային նվագախմբի ու երգչախմբի հետ ղեկավարել է  Տիգրան Մանսուրյանի ռեքվիեմը և ալտի կոնցերտը (մենակատար Քիմ Քաշքաշյան): Նույն թվին  համերգներ է ունեցել Շվեյցարիայում Բերնի նվագախմբի և մանկական երգչախմբի հետ (Բերնի կենտրոնական տաճար Ցյուրիխ), Լիբանանում, Արգենտինայում, Հունաստանում։

Առանձնահատուկ ուշադրության է արժանի 2021թ. հունիսին, աշխարահռչակ դիրիժոր՝ Ռիգարդո Մուտիի հրավերով երգչախմբի մասնակցությունը Ռավենայի փառատոնին:

Ժողովրդական երգերի բազմաթիվ   խմբերգային մշակումների, ինչպես նաև թատերական ներկայացումների համար գրված երաժշտական ստեղծագործությունների և երաժշտական ձևավորումների  հեղինակ է:

Անհատապես և Հայաստանի պետական կամերային երգչախմբի ղեկավարի կարգավիճակում հասել է բացառիկ հաջողությունների: