Հայաստանի պետական կամերային նվագախմբի համերգները ԱՄՆ-ում․ Սիեթլ, Լաս Վեգաս, Լոս Անջելես, Նյու Յորք և Բոստոն
«Երաժշտական հրավառություն» համերգային ծրագրով Հայաստանի պետական կամերային նվագախումբը հյուրախաղերով ԱՄՆ-ում է։
Նվագախմբի ամերիկյան հյուրախաղերը մեկնարկել են սեպտեմբերի 28-ին՝ Սիեթլում։ Հաջորդ օրը, սեպտեմբերի 29-ին, համերգաշարը շարունակվել է Լաս Վեգասում։
Հոկտեմբերի 2-ին Նվագախումբը հանդես է եկել Լոս Անջելեսում, հոկտեմբերի 4-ին Նյու Յորքում ներկայացրել է «Jazzical Komitas and Classical Aznavour» ծրագիրը, որին մասնակցել է նաև հանրահայտ ջազ դաշնակահար և կոմպոզիտոր Ջոել Մարտինը։
ԱՄՆ-ում վերջին համերգը կայացել է հոկտեմբերի 5-ին Բոստոնում՝ եզրափակելով Նվագախմբի հյուրախաղային շրջագայությունը։
Համերգային ծրագիրը կազմված է բացառապես հայ կոմպոզիտորների ստեղծագործություններից. Կոմիտաս, Խաչատրյան, Մանսուրյան, Ամիրխանյան, Ազնավուր։
Համերգները ղեկավարում է մաեստրո Սիփան Օլահը։