Իտալական բարոկկո և Բախ. երգեհոնային երաժշտության համերգ
Կոմիտասի անվան կամերային երաժշտության տանը մայիսի 4-ին տեղի է ունեցել երգեհոնահար Թերեզա Ոսկանյանի մենահամերգը, որը ներկայացվել է «Իտալական բարոկկո և Բախ» խորագրով։
Համերգային ծրագիրն ընդգրկում էր իտալացի բարոկ ոճի հայտնի կոմպոզիտորների՝ Պեշետտիի, Վիվալդիի, Մարչելլոյի և Սկարլատտիի, ինչպես նաև Յոհան Սեբաստիան Բախի ստեղծագործունները։
Հնչել են ինչպես ճանաչված և սիրված, այնպես էլ ավելի հազվադեպ ներկայացվող ստեղծագործություններ՝ ընդգծելով երգեհոնային երաժշտության բազմազան գունապնակը։
Ալեսսանդրո Մարչելլոյի «Կոնցերտ հոբոյի համար» ստեղծագործության ընթացքում Թերեզա Ոսկանյանին նվագակցել է սաքսաֆոնահար Նարինե Ղուկասյանը։ Իսկ Յ.Ս. Բախի «Aus Liebe» արիան «Չարչարանքներ ըստ Մաթեոսի» օրատորիայից ներկայացվել է սոպրանո Հեղինե Օհանյանի կատարումով՝ երգեհոնի մեղմ հնչյունների ուղեկցությամբ։